ژمارەیەك مووشەك ئاراستەی بنكەی سەربازیی عەین ئەسەد لە پارێزگای ئەنبار كران كە گەورەترین بنكەی سەربازی هاوپەیمانانە لە عێراق.
میدیاكانی عێراق بڵاویانكردووەتەوە كە ئێوارەی ئەمڕۆ دوو مووشەك لەسەرچاوەیەكی نادیارەوە ئاڕاستەی بنكەی سەربازیی عەین ئەسەد لە پارێزگای ئەنبار كراون.
ئاماژە بۆ ئەوەش كراوە، هێرشەكان هیچ زیانێكی گیانی نەبووە و تەنها زیانی ماددی بەر شوێنی كەوتنەخوارەوەی مووشەكەكان كەوتووە.
