ئەستێرەناس و پێشبینیکارێک رایدەگەیەنێت، لە چەند رۆژی داهاتوودا جەنگی سێیەمی جیهان هەڵدەگیرسێت.
کۆشال کۆمار کە ئەستێرەناس و پێشبینیکارێکی هیندییە و بە نۆسترادامۆسی نوێ ناویدەرکردووە، رایگەیاند، هەڵگیرسانی جەنگی سێیەمی جیهانی هێندەی نەماوە و لە چەند رۆژی داهاتوودا دەستپێدەکات.
دەشڵێت، رۆژی 4 و 5 ی ئەم مانگە جیهان لە خراپترین دۆخیدا دەبێت و لە یەکێک لەو دوو رۆژەدا سەرەتای جەنگەکە دەستپێدەکات.
پێشتر ئەو پێشبینیکارە وتبووی، جەنگەکە لە 18 ی تەمموز هەڵدەگیرسێت، بەڵام پێشبینییەکەی نەهاتبووە دی.
ناوبراو ماوەیەک لەمەوبەر پێشبینی مردنی ئیبراهیم رەئیسی سەرۆک کۆماری ئێرانی کردبوو و پێشبینییەکەی هاتبووە دی.
