وەزارەتی دارایی هەرێم رایدەگەیەنێت، بڕی 74 ملیار و 844 ملیۆن و 532 هەزار دینار وەك پشكی گەنجینەی فیدراڵی لە داهاتی نانەوتیی هەرێمی كوردستان بۆ مانگی نیسان خرایە سەر هەژماری بانكی وەزارەتی دارایی حكومەتی عێراق.
بەپێی راگەیەندراوێكی وەزارەتی دارایی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، رۆژی پێنجشەممە بڕی 74 ملیار و 844 ملیۆن و 532 هەزار دینار وەك پشكی گەنجینەی فیدراڵی لە داهاتی نانەوتیی هەرێمی كوردستان بۆ مانگی نیسانی ساڵی 2024، لەلایەن بەڕێوەبەرایەتیی گشتیی ژمێركاریی وەزارەتی دارایی و ئابوری خرایەسەر هەژماری بانكی وەزارەتی دارایی حكومەتی عێراق لە لقی هەولێری بانكی ناوەندیی عێراق.
