ئاسایشی سلێمانی، رایدەگەیەنێت، “شەش تۆمەتبار دەستگیرکران کە هاوکاریی هەڵاتنی راگیراوەکەی چاکسازیی سلێمانییان کردووە”.
بەڕێوەبەرایەتیی گشتیی ئاسایشی سلێمانی، لە راگەیەندراوێکدا بڵاویکردەوە، ئێوارەی دوێنێ دوای ئەوەی راگیراوێکی زیندانی چاکسازیی سلێمانی هەڵات، لەلایەن بەڕێوەبەرایەتیی ئاسایشی سلێمانی توانرا لەماوەی کەمتر لە 24 کاتژمێر لەشاری سلێمانی دەستگیربکرێتەوە.
باس لە ئەوەش دەکات، شەش تۆمەتبار هاوکاریبوون لە حەشاردانی و گواستنەوەی، ئێستا سەرجەمیان دەستگیرکراون و رادەستی یاساکراون.
ئەو راگیراوەی هەڵاتبوو، کچێکی تەمەن 16 ساڵانە و لەسەر داوای دایکی لە زیندانی چاکسازیی ژنان و مندالانی سلێمانی راگیرابوو.
