هەوکردنی جگەری ڤایرۆسی لە جۆری B نەخۆشییەکی مەترسیدارە و پێویستە بە زووترین کات کەسی تووشبوو، چارەسەر وەربگرێت.
تەندروستیی هەولێر چەند رێنماییەکی خۆپارێزی بڵاوکردووەتەوە کە ئەمانەن:
وەرگرتی پێکوتە، دڵنیابوون لەسەرچاوەی خوێن، دوورکەوتنەوە لە کردەی فرە سێکسی، چاودێری دایک لە کاتی دووگیانی ئەگەر دایکەکە تووشبوو بوو.
لەبارەی رێگاکانی گواستنەوەوە ئاماژەی بەوەکردووە، گواستنەوەی خوێن و پێکهاتەکانی خوێن و دەرزی و کەلوپەلی نەشتەرگەری پیسبوو هۆکاری گواستنەوەی نەخۆشییەکان.
لەبارەی نیشانەکانەوە دەڵێت، “نیشانەكانی هەوكردنی ڤایرۆسی جگەر بریتین لە:
بەرزبونەوەی پلەی گەرمی لەش و ئارەق كردنەوە، بێ هێزی و كەمبوونەوەی توانای خواردن، دڵتێكەڵهاتن و رشانەوە، ئازار لە بەشی سەرەوەی لای راستی سک، ئازاری ئیسک و ماسولکە، گۆڕانی رەنگی میز بۆ رەنگی تۆخ.
