دەستەی کەشناسیی عێراق پێشبینییەکانی کەشوهەوای بۆ چەند رۆژی داهاتوو بڵاوکردەوە و ئاماژەی بەوەکردووە پلەکانی گەرمی روو لە بەرزبوونەوە دەکەن.
لە راگەیەندراوی دەستەکەدا ئاماژە بەوەشکراوە، بۆ رۆژی دووشەممە چەند پارێزگایەکی عێراق دەچنە سەرو 45 پلەی گەرمی و میسان 48 سیلیزی دەبێت و بەسرە و زیقار 47 پلەی سیلیزی دەبێت و نەجەج و دیوانیە و کەربەلا 46 پلە و بەغداد و بابل و دیالە و واست 45 پلەی سیلیزی دەبێت.
هاوکات، بە گوێرەی پێشبینییەکانی وەزارەتی گواستنەوە گەیاندنی هەرێمی کوردستان ئەمڕۆ پلەی گەرمی یەک تا دوو پلە بەرزتردەبێت بەراورد بە دوێنی و گەرمترین ناوچەی هەرێم ئەمڕۆ گەرمیان دەبێت بە 44 پلەی سیلیزی.
