بڕیارە لە ناوەڕاستی مانگی ئابی ئەمساڵدا كۆمسیۆنی هەڵبژاردنەكان جارێكی دیكە تیروپشك بۆ پێدانی ژمارە بە هاوپەیمانێتی و حزب و لیست و كاندیدە سەربەخۆكان ئەنجامبدات.
جومانە غەلای، وتەبێژی كۆمسیۆنی باڵای سەربەخۆی هەڵبژاردنەكان راگەیاند، “لە ناوەڕاستی مانگی ئابدا كۆمسیۆن جارێكی دیكە تیروپشك بۆ پێدانی ژمارە بە هاوپەیمانی و حزب و لیست و كاندیدە سەربەخۆكان ئەنجامدەدات و بۆ ئەمەش لیژنەیەكی هونەری بەسەرپەرشتی سەرۆكی كارگێڕیی هەڵبژاردن لە كۆمسیۆن پێكهێنراوە.
راشیگەیاند، لە ئێستادا كۆمسیۆن سەرقاڵی وردبینییە بۆ ئەو كاندیدانەی دەیانەوێت بەشداریی هەڵبژاردنی خولی شەشەمی پەرلەمانی كوردستان بكەن و هەر كاندیدێك مەرجەكانی كۆمسیۆنی تێدانەبێت دووردەخرێتەوە لە پڕۆسەكە و تاوەكو ئەو پڕۆسەیەش تەواونەبێت نازانین ژمارەی تەواوەتی كاندیدەكان چەندە.
