کاروان ستونی، وتەبێژی بەڕێوەبەرایەتی گشتیی حەج و عومرەی هەرێم بە تۆڕی میدیایی ئێستای راگەیاند، ناونوسین بۆ حەج لە هەرێمی کوردستان لە رێگەی لینکەکەی عێراقەوە نابێت.
ئاماژەی بەوەشکرد، هەماهەنگی لەگەڵ فەرمانگەی تەکنەلۆژیا و زانیاریی کراوە بۆ ئەوەی پێشکەشکردن بکرێت بە دیجیتاڵی و هەوڵەکان بەردەوامییان هەیە و ئەگەر ئەمساڵ تەواوکرا، ئەوا لە رێگەی دیجیتاڵییەوە دەبێت و ئەگەر تەواو نەکرا ئەوا لە رێگەی فۆڕمەوە دەبێت و تیروپشکەکە لە رێگەی ئەلکترۆنییەوە دەکرێت.
راشیگەیاند، لە ماوەی داهاتوودا لەگەڵ فەرمانگەی تەکنەلۆژیا و زانیاریی حکومەتی هەرێم کۆبوونەوەیان دەبێت و وردەکاریی ناونوسین بۆ حەجی ساڵی 2025 رادەگەیەندرێت و ئاماژەی بەوەشدا، لەماوەی مانگی داهاتوو یاخود مانگی داهاتووتر پڕۆسەی ناونوسین بۆ حەج دەستپێدەکات.
