بانكی ناوەندیی عێراق رایدەگەیەنێت، بەردەوامن لە فرۆشتنی دۆلار بە نرخی رەسمی بە گەشتیاران لە فڕۆكەخانەكان و هیچ گۆڕانكارییەك لەو میكانیزمەی پێشتر پەیڕەوكراوە رووی نەداوە.
بەپێی روونكردنەوەیەكی بانكی ناوەندیی عێراق تێیدا ئاماژە بۆ ئەوە كراوە، فرۆشتنی دۆلار بە گەشتیاران لە رێگای بانكە حكومییەكانی نێو فڕۆكەخانەكان و چەند كۆمپانیایەكی تایبەت بە ئاڵوگۆڕی دراو بەردەوامە و بە نرخی رەسمی دۆلار بە گەشتیاران دەدرێت.
بانكی ناوەندیی عێراق جەختیكردووەتەوە، ئەو میكانیزمەی پێشتر بۆ پێدانی دۆلار بە گەشتیاران پەیڕەوكراوە وەك خۆیەتی و هیچ گۆڕانكارییەكی تێدا نەكراوە.
