بەڕێوەبەری راگەیاندنی پەرلەمانی كوردستان رایدەگەیەنێت، ئەمڕۆ مووچەی مووچەخۆرانی پەرلەمانی كوردستان دابەشكرا و دەشڵێت، “هیچ گرفتێك لە لیستەكاندا نەبووە”.
سامان ئەحمەد، بەڕێوەبەری راگەیاندنی پەرلەمانی كوردستان لە لێدوانێكدا بە تۆڕی میدیایی ئێستای راگەیاند، ئەمڕۆ تەمویلی پەرلەمانی كوردستان كراوە و مووچەی مووچەخۆرانی پەرلەمانی كوردستان دابەشكرا.
وتیشی، “هیچ گرفتێك لە لیستی مووچەی مووچەخۆرانی پەرلەمانی كوردستاندا نەبووە و پێشتر وەفدی دیوانی چاودێریی دارایی عێراق و هەرێم سەردانیان كردوون و هیچ تێبینییەكیان نەبووە”.
