بەرپرسێکی یەکێتی لە کەرکوک رایدەگەیەنێت، پۆستی پارێزگاری کەرکوک بۆ یەکێتییە و بە هەڵبژاردن بەدەستیهێناوە.
رەوەند مەلا مەحمود، لێپرسراوی مەڵبەندی کەرکوک-ی یەکێتیی نیشتمانیی کوردستان، بە رۆژنامەنووسانی راگەیاند، سەرجەم لایەنە سیاسییەکانی کەرکوک لە هەوڵدان بۆ ئەوەی بگەنە رێککەوتن و بتوانرێت سەرۆکی ئەنجومەنی پارێزگای کەرکوک و جێگرەکانی لەگەڵ پارێزگار دیاریبکرێن.
لەبارەی پۆستی پارێزگاری کەرکوک-ەوە، رەوەند مەلا مەحمود رایگەیاند، ئەو پۆستە بۆ یەکێتییە و شایستەی ئەوە، چونکە لە هەڵبژاردنی ئەنجومەنی پارێزگای کەرکوکدا حزبی یەکەم بوو، زۆرینەی دەنگەکانی بەدەستهێناوە.
ئەو وتانەی رەوەند مەلا مەحمود، دوای کۆبوونەوەیەک هات کە لەنێوان لایەنە کوردستانییەکانی کەرکوک بەڕێوەچوو.
