بەڕێوەبەرایەتیی پەروەردەی رۆژهەڵات لە سلێمانی رایدەگەیەنێت، لەمەوبەدوا بۆ وەرگرتنی مووچە دەبێت مامۆستایان و فەرمانبەران خۆیان ئامادەبن و مووچەیان بە كەس نادرێت.
بەپێی نووسراوێك كە بە بەڕێوەبەرایەتیی گشتیی پەروەردەی رۆژهەڵات بڵاویکردووەتەوە و تێیدا گشتاندن بۆ سەرجەم باخچەی منداڵان و ناوەندەكانی خوێندنی سەر بە بەڕێوەبەرایەتیی پەروەردەكە كراوە تێیدا ئاماژە بەوە دەكات، مامۆستایان لە كاتی وەرگرتنی مووچەكانیان دەبێت خۆیان ئامادە بن و هیچ مامۆستا و كەسێك ناتوانێت لەبری ئەو مووچەخۆرە مووچە وەربگرێت و واژوو بكات و دەبێت بە جافی شین-یش واژووەكە بكرێت.
هەر لە نووسراوەكەدا هاتووە، هەر ناوەندێكی خوێندن ئەو رێنماییانە جێبەجینەكات لیژنەی دابەشكردنی مووچە رووبەڕووی رێكاری یاسایی دەبنەوە.
