ئەندامێکی ئەنجومەنی نوێنەرانی عێراق رایگەیاند، لیژنەی گواستنەوە و گەیاندن لە پەرلەمانی عێراق داوا لە پەرلەمان و حکومەت دەکات هەنگاوی جددی بنێن بۆ هەڵگرتنی سزاکانی سەر فڕۆکەخانەی سلێمانی.
کاروان یاروەیس، ئەندامی ئەنجومەنی نوێنەرانی عێراق بڵاویکردەوە، لەدانیشتنی ئەمڕۆی پەرلەمانی عێراق لیژنەی گواستنەوە و گەیاندن دوای سەردانی مەیدانی بۆ فرۆکەخانەی نێودەوڵەتی سلێمانی بەیاننامەیەکی خوێندەوە.
ئاماژەی بەوەشکردووە، لەبەیاننامەکەدا داواکرا پەرلەمان و حکومەتی عێراقی هەنگاوی جددی بنێن بۆ هەڵگرتنی سزاکان.
