وەزارەتی پێشمەرگە رایدەگەیەنێت، هاوكاریی هێزەكانی هاوپەیمانان بۆ هێزی پێشمەرگە خراوەتەسەر هەژماری وەزارەتی پێشمەرگە و سبەی دەست بە دابەشكردنی دەكرێت.
بەپێی راگەیەندراوێكی وەزارەتی پێشمەرگە كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای ئەوەی هاوكاریی هێزەكانی هاوپەیمانان بۆ هێزی پێشمەرگە خرایەسەر هەژماری وەزارەتی پێشمەرگە، بەڕێوەبەرایەتیی گشتیی بودجە و بەرنامەكان “ژمێریاریی سەربازی” رێكارە دارایی و ژمێریارییەكانی ئەنجامداوە.
هەر لە راگەیەندراوەكەدا هاتووە، بانكەكان ئاگاداركراونەتەوە رۆژی پێنجشەممە هاوكاریی مانگی حوزەیران دابەشبكرێت.
