لەسەر رێگای سەرەکیی پێنجوێن- سەیدسادق، شۆفێری تانکەرێک دەستگیرکرا.
بەڕێوەبەرایەتیی پۆلیسی دارستان و ژینگەی پارێزگای سلێمانی لە راگەیەندراوێکدا بڵاویکردەوە، بەرواری 6ی ئازاری 2024 لە لایەن مەفرەزەیەكی بنکەی پۆلیسی دارستانی ناڵپارێز لەسەر رێگای سەرەکیی پێنجوێن- سەیدسادق، شۆفێرێکی تانکەر دەستگیرکرا کە نەوتی رەشی بارکردبوو، بەهۆی لێچوونی نەوتەوە زیانی بە رێگاکە گەیاندبوو وە ببووە هۆی دروستبوونی ئاستەنگیی هاتوچۆ.
بەڕێوەبەرایەتیی پۆلیسی دارستان و ژینگەی سلێمانی دەڵێت، بە بڕیاری دادگا تانکەرەکە دەستیبەسەردا گیراو پەڕاوی لێکۆڵینەوە بۆ شۆفێرەکە کرایەوە .
