وتەبێژی یەكێتیی خانەنشینانی هەرێم رایدەگەیەنێت، لیژنەیەكی هاوبەش لە نێوان هەرێم و بەغداد بۆ هاوتاكردنی مووچەی خانەنشینانی هەرێم لەگەڵ عێراق پێكهێندراوە و دەشڵێت، “ئومێدمان هەیە لەم مانگەوە مووچەی خانەنشینانی هەرێم هاوتای عێراق بكرێت”.
سادق عوسمان، وتەبێژی یەكێتیی خانەنشینانی هەرێم لە دیدارێكی تەلەفزیۆنیدا رایگەیاند، لە هەفتەی رابردوودا لیژنەیەكی هاوبەش بۆ شێوازی جێبەجێكردنی یاسای ژمارە 9ی تایبەت بە خانەنشینان و هاوتاكردنی مووچەی خانەنشینانی هەرێم لەگەڵ عێراق پێكهێندراوە كە 60 رۆژ لەبەردەم ئەو لیژنەیە دانراوە كارەكانیان تەواوبكەن.
وتەبێژی یەكێتیی خانەنشینانی هەرێم جەختیكردەوە وتیشی، “ئومێدمان هەیە لەم مانگەوە مووچەی خانەنشینانی هەرێم هاوتای عێراق بكرێت”.
