لیستی دابەشکردنی مووچەی هێزە ئەمنییەکان بۆ مانگەکانی ئایار و حوزەیران راگەیەندرا.
بەپێی لیستەکەی وەزارەتی دارایی و ئابوریی حکومەتی هەرێم، سبەینێ چوارشەممە، مووچەی (ئەنجومەنی ئاسایش، دەزگای ئاسایش، بەڕێوەبەرایەتیی پۆلیسی پاراستن دامودەزگا نەوتییەکان)، بۆ مانگی ئایار و حوزەیرانی ئەمساڵ دابەشدەکرێت.
هەر بەپێی لیستەکە، رۆژی پێنجشەممە، 18ی تەمموزی 2024، مووچەی (وەزارەتی پێشمەرگە، هێزەکانی یەکەی 70 و 80، هێزەکانی زێرەڤانی، بەرگری و فریاکەوتن) دابەشدەکرێت.
بەپێی راگەیەندراوەکەی وەزارەتی دارایی هەرێم، بڕی 26 ملیار و 790 ملیۆن دینار کورتهێنان لەکۆی مووچەی ئەو دوو مانگەی هێزەکانی پێشمەرگە و دەزگا ئەمنییەکان دروستبووە و ئەو بڕە پارەیە لە شایستەی تەمویلەکەیان لە بەغدادەوە نەنێردراوە.
