بەڕێوەبەرایەتیی هاتوچۆی سلێمانی بڵاویکردەوە، لە ئێستادا پلانی دانانی کامێرای خاڵ بۆ خاڵ لەسەر رێگای سلێمانی – چەمچەماڵ لە جێبەجێکردندا نییە.
بەڕێوەبەرایەتیی هاتوچۆی سلێمانی لە روونکردنەوەیەکدا بڵاویکردەوە، پلانی دانانی کامێرای خاڵ بۆ خاڵ لەسەر رێگای سلێمانی – چەمچەماڵ لە ئێستادا لە قۆناغی جێبەجێکردندا نییە، ورووژاندنی ئەم بابەتە سوود بە هیچ کەس و لایەنێک ناگەیەنێت.
ئاماژەی بەوەشکرد، هەر بابەتێک پەیوەندیدار بێت بە کاروباری بەڕێوەبەرایەتیمان یاخود هەر پڕۆژە و بڕیارێکی هاتووچۆیی بە روونی و بە ئاشکرایی لە رێی میدیا و پەیج و ماڵپەڕی رەسمی بەشی راگەیاندنی بەڕێوەبەرایەتیمان بڵاویدەکەینەوە جگە لەو پێگە رەسمیانەمان هەر هەواڵ و روونکردنەوەیەک لە هەر کەناڵ و سۆشیال میدیایەکی دیکە بڵاوبکرێتەوە هیچ بەهایەکی نییە.
