بەهۆی دەمەقاڵێ و دروستبوونی شەڕ لەنێوان دوو دراوسێدا لە هەولێر گەنجێك كوژرا و دووانی دیكەش برینداربوون.
پەیامنێری تۆڕی میدیایی ئێستا پێیڕاگەیاندین، شەڕەكە ئێوارەی دوێنێ لە گەڕەكی مامزاوە لەسەر راگرتنی ئۆتۆمبێل روویداوە و بەهۆیەوە گەنجێك بەناوی (مازن موحسین) كوژراوە و دووانی دیكەش برینداربوون كە باوك و برایەكی قوربانییەكەن.
ئەوەشی وت، قوربانییەكە لە بنەڕەتدا شەبەكە و خەڵكی حەمدانییەیە و لە هەولێر نیشتەجێبووە و خاوەنی شەش منداڵە.
بەپێی زانیارییەكان دوای رووداوەكە، پەلاماردەران هەڵهاتوون و دەستگیرنەكراون.
