بەڕێوەبەرایەتیی گشتیی ئاو و ئاوەڕۆی هەرێم رایدەگەیەنێت، بەهۆی چەند گرفتێکەوە ئەمڕۆ کارەکانیان رادەگرن و داوا دەکەن هاوڵاتییان ئەرک نەکێشن و سەردانیان نەکەن.
لە راگەیەندراوێکدا بەڕێوەبەرایەتیی گشتیی ئاو و ئاوەڕۆی هەرێم هاوڵاتییان ئاگاداردەکاتەوە و دەڵێت، ”بەهۆی چەند گرفتێك و نوێکردنەوەی بەرنامەکانی سێرڤەری سەرەکیی کۆکردنەوەی کرێی ئاو، ئەمڕۆ کارەکانی خۆمان رادەگرین”.
ئەو بەڕێوەبەرایەتییە داوایەکیش لە هاوڵاتییان دەکات و دەڵێت، ”داوا لە هاوڵاتییان دەکەین ئەمڕۆ بۆ رایکردنی مامەڵەکانیان ئەرک نەکێشن و سەردانی بنکەکانمان نەکەن”.
