گابرێل ئاتال، سەرۆک وەزیرانی فەرەنسا رایگەیاند، ئەمڕۆ نامەی دەستلەکارکێشانەوەی خۆی پێشکەش بە ئیمانوێل ماکرۆن سەرۆکی وڵاتەکەی دەکات.
لە لێدوانێکی رۆژنامەوانیدا سەرۆک وەزیرانی فەرەنسا ئەوەی خستەڕوو، ”دەستلەکارکێشانەوەکەم پێشکەش بە سەرۆک کۆمار دەکەم و بە هەموو فەڕەنسییەکانیش دەڵێم رێز لە هەڵبژاردنەکەتان دەگرم”.
دەشڵێت، ”دەبێت کاربکەین بۆ بنیاتنانی سیستمێکی سیاسیی نوێ و بە شێوەیەکی نوێ درێژە بە خەباتی خۆمان دەدەین”.
لە هەڵبژاردنی ئەندامانی پەرلەمانی فەرەنسا هاوپەیمانیی چەپەکان لە خولی دووەمی هەڵبژاردنەکەدا سەرکەوتنیان بەسەر پارتی نیشتمانیی راستڕەو و هاوپەیمانییەکەی ئیمانوێل ماکرۆن بەدەستهێنا.
