ئێوارەی ئەمڕۆ لە كاتی داخستنی بازاڕی ئاڵوگۆڕی دراو، بەهای دۆلار بەرامبەر بە دینار بەرزبووەوە و 100 دۆلار بە 149 هەزار و 100 دینار مامەڵەی پێوەكرا.
بەیانیی ئەمڕۆ یەكشەممە، لە كاتی كردنەوەی بازاڕی ئاڵوگۆڕی دراو، 100 دۆلار بە 148 هەزار و 900 دینار مامەڵەی پێوەكراوە.
بەرزبوونەوەی بەهای دۆلار بەرامبەر بە دینار لە كاتێكدایە كە حكومەت و بانكی ناوەندیی عێراق چەند بڕیارێكیان بۆ دابەزاندنی بەهای دۆلار بەرامبەر بە دینار گرتووەتەبەر و بەبڕوای بەشێك لە پسپۆڕانی بواری ئابوری، بەرزبوونەوەی بەهای دۆلار بەهۆی زۆربوونی خواستە و لەهەمانكاتدا كەمكردنەوەی بڕی خستنەڕووی دۆلارە لە لایەن بانكی ناوەندیی عێراقەوە.
