تەندروستیی سلێمانی، رایدەگەیەنێت، “هەماهەنگی بۆ رێگری لە بڵاوبوونەوەی نەخۆشییە گوازراوەکان و کۆنتڕۆڵکردنی دەکرێت”.
بەڕێوەبەرایەتیی گشتیی تەندروستیی سلێمانی لە راگەیەندراوێکدا بڵاویکردەوە، هۆبەی نەخۆشییە گوازراوەكانی بەڕێوەبەرایەتیی خۆپاراستنی تەندروستیی سلێمانی لەگەڵ نوێنەری نەخۆشخانە تایبەتەكانی ناو شاری سلێمانی كۆبووەوە بە مەبەستی هەماهەنگیكردن و پێدانی رێنمایی پێویست لەبارەی نەخۆشییە گوازراوەكان و چۆنیەتی مامەڵەكردن لەگەڵ ئەو كەسانەی گومانی تووشبوونیان بە نەخۆشییە گوزراوەكان لێدەكرێت.
بەپێی راگەیەندراوەکە، لەكۆبوونەوەكەدا رێنمایی پێویست درایە نەخۆشخانە تایبەتەكان لەكاتی بوونی گومانلێكراوی نەخۆشییە گوازراوەكان، پێویستە دەستبەجێ و لەماوەی دیاریكراودا هۆبەی نەخۆشییە گوازراوەكانی بەڕێوەبەرایەتیی خۆپاراستنی تەندروستیی سلێمانی ئاگاداربكرێتەوە بەمەبەستی رێگری لە بڵاوبوونەوەی نەخۆشییە گوازراوەكان و كۆنتڕۆڵكردنی.
