کۆمسیۆنی باڵای سەربەخۆی هەڵبژاردنەکان بڵاویکردەوە، لە سبەینێوە تۆمارکردنی ناوی کاندیدانی هەڵبژاردنی پەرلەمانی کوردستان دەستپێدەکات.
کۆمسیۆنی باڵای هەڵبژاردنەکان لە راگەیەندراوێکدا بڵاویکردەوە، لە سبەینێ پێنجشەممەوە تۆمارکردنی ناوی کاندیدانی حزب و هاوپەیمانێتی و کاندیدی سەربەخۆ و پێکهاتەکان دەستپێدەکات.
ئاماژەی بەوەشکرد، پڕۆسەکە تا 15 ی تەمموز بەردەوام دەبێت و لەو وادەیەدا کۆتایی پێدێت.
بڕیارە هەڵبژاردنی پەرلەمانی کوردستان لە 20 ی تشرینی یەکەمی ئەمساڵ بەڕێوەبچێت و کۆمسیۆنی هەڵبژاردنەکانیش هەوڵەکانی چڕکردووەتەوە بۆ تەواوکردنی ئامادەکارییەکانی.
