لەسەر بڕیاری ئیمانوێل ماکرۆن سەرۆکی وڵاتەکە هەڵبژاردنی پێشوەختەی پەرلەمانی فەرەنسا دەستیپێکرد.
ئەمڕۆ یەکشەممە هەڵبژاردنی پێشوەختەی فەرەنسا بە بەشداریی 50 ملیۆن دەنگدەر دەستیپێکرد و بەپێی ئەنجامی راپرسییەکان چاوەڕێدەکرێت پارتی راستڕەوی فەرەنسی زۆرترینی دەنگەکان بەدەستبهێنێت.
پەرلەمانی فەرەنسی لە 577 کورسی پێکهاتووە، پێویستە لایەنی براوە 50+1 ی دەنگەکان بەدەستبهێنێت، بە پێچەوانەوە هەڵبژاردنەکان دەکەوێتە گەڕی دووەمەوە.
بەهۆی ئەوەی هیچ لایەنێکی بەشداریی هەڵبژاردنەکان لە گەڕی یەکەمدا ناتوانێت دەنگی پێویست بەدەستبهێنێت، هەڵبژاردنەکانی فەرەنسا دەکەونە گەڕی دووەمەوە و 7 ی تەمموز ئەنجامدەدرێت.
بڕیاری ئەنجامدانی هەڵبژاردنی پێشوەختەی فەرەنسا لەسەر بڕیاری ئیمانوێل ماکرۆن سەرۆکی وڵاتەکە بەڕێوەچوو، ئەمەش پاش ئەوەی پارتی راستڕەوی فەرەنسا لە هەڵبژاردنەکانی پەرلەمانی یەکێتیی ئەوروپا توانیان سەرکەوتن بەدەستبهێنن.
