دەسەڵاتی دادوەریی ئوردن بڕیاریدا 19 کەس دەستگیربکات و قەدەغەی گەشت بخاتە سەر 10 کەسی دیکە بە تۆمەتی قاچاخچێتی لە چوارچێوەی گەشتەکانی ئەم دواییە بۆ ئەنجامدانی رێوڕەسمی حەج لە دەرەوەی مۆڵەتی فەرمی کە 99 حاجی ئوردنی بەهۆیەوە کۆچی دواییان کردووە.
وەزارەتی دەرەوەی ئوردن لە نوێترین راگەیەندراویدا ئاشکرایکرد 99 حاجی ئوردنی لەکاتی ئەنجامدانی رێوڕەسمەکانیان گیانیان لەدەستداوە.
ئەمینداریەتیی گشتیی دەسەڵاتی دادوەریی ئوردن رایگەیاند، بڕیاردراوە ئەو کۆمپانیایانە دابخرێن کە رۆڵێکی دیاریان هەبووە لە ئاسانکاریکردنی حەج بەبێ مۆڵەت.
