وتەبێژی کۆمسیۆنی باڵای سەربەخۆی هەڵبژاردنەکانی عێراق رایگەیاند، چاوەڕوانی مەرسومی سەرۆکایەتیی هەرێمین و سێ حزبی نوێ بۆ هەڵبژاردن تۆمارکراون.
جومانە غەلای، وتەبێژی کۆمسیۆنی باڵای سەربەخۆی هەڵبژاردنەکانی عێراق لە لێدوانێکیدا ئاماژەی بەوە کرد، ”پێشتر ئەنجومەنی کۆمسیۆن و سەرۆکایەتیی هەرێم گفتوگۆیان کردبوو سەبارەت بە دیاریکردنی 5ی ئەیلول بۆ ئەنجامدانی هەڵبژاردن بەڵام ئەستەمە لەو کاتەدا بکرێت”.
لەبارەی تۆمارکردنی حزب و هاوپەیمانێتییەکانەوە جومانە غەلای وتی، ”تاوەکو کۆتایی دەوامی ئەمڕۆ تۆمارکردن بەردەوام دەبێت و تاوەکو ئێستا سێ حزبی نوێ تۆمارکراون”.
دەشڵێت، ”چاوەڕوانی مەرسومی سەرۆکایەتیی هەرێمی کوردستان دەکەین بۆ دیاریکردنی رۆژی هەڵبژاردن و بەلایەنی کەمەوە پێویستمان بە چوار مانگە بۆ تەواوکردنی کارەکانی تایبەت بە هەڵبژاردن”.
