پارێزگاری کەرکوک رایگەیاند، “کار بۆ ئەوە دەکەین زەوی بە رۆژنامەنووسان بدەین”.
رێبوار تەها، پارێزگاری کەرکوک، لە کۆنفرانسێکی رۆژنامەوانیدا رایگەیاند، “رێز لە سەرجەم رۆژنامەنووسان دەگرین و کاریان لەگەڵ دەکەین، جیاوازی لەنێوانیاندا ناکەین لە هەر پێکهاتە و نەتەوەیەک بن”.
وتیشی، “هەنگاوەکانمان بە جددی ناوە بۆ ئەوەی زەوی بە رۆژنامەنووسان بدەین لە شارەوانیی کەرکوک سەرقاڵی ئەو بابەتەین کە زەوییەکان ئیفراز بکرێن و بەزووترین کات رۆژنامەنووسان سوودمەندببن”.
وتەکانی پارێزگاری کەرکوک لەکاتێکدایە، ئەمڕۆ 22ی نیسانی 2025، 127 ساڵ بەسەر دەرچوونی یەکەم رۆژنامەی کوردیدا تێدەپەڕێت.
