بە تۆمەتی سووتاندنی 500 دۆنم پوش و پاوان و زیانگەیاندن بە نزیکەی 60 هەزار دار، کەسێک لە ناحیەی عەربەت دەستگیرکرا.
بەڕێوەبەرایەتیی پۆلیسی دارستان و ژینگەی سلێمانی لە راگەیەندراوێکدا بڵاویکردەوە، ئاگر لەسنووری گوندەکانی (وێلەکەو دەربەندفەقەرە) لە سنوورى ناحیەی عەربەت کەوتەوە و بەهۆیەوە 500 دۆنم پوش و پاوان سووتا، و بەپێی زانستی دارستان هەر دۆنمێک 120 داری سروشتی تێدابووە، واتە ئاگرەکە بووەتە هۆی زیاندگەیاندن بە نزیکەی 60 هەزار داری سروشتی .
دەشڵێت، تیمەکان گەیشتنە شوێنی ئاگرەکە بەمەبەستی کوژاندنەوەی و بەدواداچوون بۆ هۆکاری کەوتنەوەی ئاگرەکە ، لەئەنجامی لێکۆڵینەوەی سەرەتایی هاوڵاتییەک بەتۆمەتی کەوتنەوەی ئاگرەکە دەستگیرکرا و ئاگرەکە لەماوەی چوار کاتژمێر کۆنترۆڵکرا.
