توێژینەوەیەکی نوێ ئەو هۆکارە ئاشکرادەکات کە لە پشت تووشنەبوونی هەندێک کەسەوەن بە ڤایرۆسی کۆرۆنا لەو کاتەی زۆر بە توندی بە هەموو جیهاندا بڵاوبووەوە.
توێژینەوەکە لەلایەن زانایانی زانکۆی لەندەن ئەنجامدراوە و لە گۆڤاری نەیچەر بڵاوکراوەتەوە و تێیدا هاتووە، لەو کاتەی ڤایرۆسی کۆڤید 19 بڵاوبووەتەوە تا ئێستا هەندێک کەس تووشی ڤایرۆسەکە نەبوون، هۆکاری ئەمەش دەگەڕێتەوە بۆ بۆهێڵێک لە لەشی ئەو کەسانەدا کە HLA-DQA2 ی پێدەوترێت.
ئەو کەسانەی ئەم جۆرە بۆهێڵەیان هەیە، سیستمی بەرگریان وەڵامی بەهێزتری هەیە بۆ ڤایرۆس و نەخۆشییەکان، هەوکردنەکانیان هێڵێ یەکەمی بەرگریی جەستە تێناپەڕێنێت.
توێژەران دەڵێن، کاتێک ژەمێكی کەمی ڤایرۆسەکە کراوەتە جەستەی ئەو کەسانە سیستمی بەرگریی بە خێرایی وەڵامدانەوەی بۆی هەبووە و لەناویانبردووە، پێش ئەوەی هیچ جۆرە هەوکردنێک دروستبکات.
ئەم توێژینەوەیە دەبێتە کردنەوەی دەرگایەکی نوێ لەبەردەم توێژەران بۆ دروستکردنی ڤاکسینی نوێ دژی نەخۆشییەکە.
