بەڕێوەبەرایەتیی گشتیی تەندروستیی سلێمانی روونکردنەوەیەکی بڵاوکردووەتەوە و دەڵێت، ”بەشێوەیەکی ئاسایی هاوکاریی ستافی فیلمەکەمان کردوە، چونکە پەیوەندی بە تەندروستییەوە هەبووە”.
لە روونکردنەوەکەدا تەندروستیی سلێمانی رایگەیاند، ”لەبارەی بەکارهێنانی ئەمبوڵانس لە فیلمێک بۆ چەند خولەکێک لە سلێمانی بە مەبەستی گێڕانەوەی چیرۆکێکی سەردەمی کۆرۆنا، بەڕێوەبەراتی گشتیی تەندروستیی سلێمانی ڕوونی دەکاتەوە، بەشێوەیەکی ئاسایی هاوکاریی ستافی فیلمەکەیان کردوە، چونکە پەیوەندی بە تەندروستیەوە هەبووە”.
دەشڵێت، ”تەنها لە شوێنی نمایشەکە بۆ ماوەی چەند خولەکێک ئەمبوڵانسێک سوودی لێ وەرگیراوە و تەندروستیی سلێمانی بۆ ئاییندەش هاوکاری ئەو کارە هونەریانە دەبێت کە پەیوەندی بە تەندروستیی هاوڵاتییانەوە هەیە”.
