بەگوێرەی راگەیەندراوی دەستەی کەشناسیی عێراق، ئەمڕۆ بەرزترین پلەی گەرمی لە زیقار دەبێت و 51 پلەی سیلیزی دەبێت، هاوکات شارەکان بەسڕە، موسەنا و میسان 50 پلەی سیلیزی دەبن.
دەستەی کەشناسیی عێراق پێشبینییەکانی کەشوهەوای ئەمڕۆ سێشەممەی بڵاوکردەوە و ئاماژەی بەوەکردووە، گەرمترین شار ئەمڕۆ زیقار دەبێت و فێنکترین شاری عێراقیش دهۆک دەبێت بە 40 پلەی سلیزی.
شاری هەولێر 42 پلەی سیلیزی، شاری سلێمانی 41 پلەی سیلیزی، شاری کەرکوک 46 پلەی سیلیزی دەبێت و شاری هەڵەبجە 44 پلەی سیلیزی دەبێت.
هاوکات، بە گوێرەی راگەیەندراوی دەستەی کەشناسیی عێراق، ئەگەری بارانبارینێکی کەم دەبێت لە ناوچەکانی رۆژئاوای ناوەڕاست و هەرێمی کوردستان.
لەلایەکی دیکەوە وەزارەتی گواستنەوە و گەیاندنی حکومەتی هەرێم دەڵێت، ئەمڕۆ کەرکوک پلەی گەرمییەکەی دەگاتە 48 پلەی سیلیزی و گەرمترین ناوچەی کوردستانە.
