وتەبێژی بەرگریی شارستانیی سلێمانی رایگەیاند، ئاگرەکەی سەر رێگای عەربەت – سلێمانی لەلایەن جوتیارانی سنوورەکەوە کراوەتەوە.
ئارام عەلی وتەبێژی بەرگریی شارستانیی سلێمانی بە تۆڕی میدیایی ئێستای راگەیاند، ئەو ئاگرەی لەسەر رێگای عەربەت – سلێمانی کەوتووەتەوە لەلایەن جوتیارانی سنوورەکەوە کراوەتەوە بۆ سووتانی پاشماوەی دەغڵ و دانەکانیان کە جاڕەی پێدەوترێت.
ئاماژەی بەوەشکرد، چەند جارێک تیمەکانمان چوونەتە شوێنەکە و ئاگرەکەیان کوژاندووەتەوە دوای رۆیشتنەوەیان جووتیارەکان دووبارە ئاگرەکەیان کردووتەوە.
