بەڕێوەبەری گشتیی ژمێرکاریی وەزارەتی دارایی هەرێم رایگەیاند، بە گەیشتنی پارەی پێویست لە وەزارەتی دارایی عێراقەوە، دەست بە دابەشکردنی مووچەی مانگی ئازار دەکرێت.
محەمەد عەبدولقادر، بەڕێوەبەری گشتیی ژمێرکاریی وەزارەتی دارایی و ئابوریی هەرێم لە لێدوانێکدا رایگەیاند، بە گەیشتنی پارەی پێویست بۆ مووچەی مانگی ئازار لە بەغدادەوە، دەست بە دابەشکردنی مووچە دەکرێت.
ئاماژەی بەوەشکرد، چاوەڕوانن ئەمڕۆ 352 ملیار و 700 ملیۆن دیناری مووچەی هێزە ئەمنییەکان بۆ مانگی شوبات بگاتە هەرێمی کوردستان.
لە ماوەی رابردوودا، وتەبێژی وەزارەتی دارایی حکومەتی هەرێم رایگەیاند، لیستی مووچەی سەرجەم وەزارەتەکانیان بۆ مانگی ئازار ناردووەتە بەغداد و چاوەڕوان دەکەن دوای تەواوبوونی وردبینی پارەی مووچەخۆران رەوانەی هەرێم بکرێت.
