سوپای ئیسرائیل رایدەگەیەنێت، بەشێوەیەكی كاتی جەنگ لە باشووری كەرتی غەززە رادەگرن بەمەبەستی گەیاندنی هاوكارییە مرۆییەكان بۆ هاوڵاتییان لەو ناوچەیە.
سوپای ئیسرائیل لە راگەیەندراوێكدا بڵاویكردووەتەوە، رۆژانە لە كاتژمێر 8ی بەیانی تاوەكو 7ی سەر لە ئێوارە لە دەروازەی كەرەم شالۆم تاوەكو رێگای سەرەكیی سەڵاحەدین و دواتر بەرەو باكووری غەززە ئۆپەراسیۆنە سەربازییەكانیان رادەگرن.
ئاماژە بۆ ئەوەش كراوە، ئەو هەنگاوە بە مەبەستی گەیاندنی هاوكارییە مرۆییەكانە بە هاوڵاتییانی مەدەنی.
