ئەندامێکی ئەنجومەنی نوێنەرانی عێراق رایدەگەیەنێت، ئاوارەکانی شەنگال دەگەڕێندرێنەوە شوێنی خۆیان و بڕی چوار ملیۆن دیناریان پێدەدرێت.
سۆران عومەر، ئەندامی ئەنجومەنی نوێنەرانی عێراق رایگەیاند، رەزامەندی وەرگیرا بۆ گەڕانەوە و پێدانی بڕی چوار ملیۆن دینار بۆ 621 خێزانی ئاوارەی شەنگال لە کەمپەکانی دهۆک.
ئاماژە بەوەش دەکات، داخستنی کەمپی ئاوارەکان لەهەرێمی کوردستان لە پێشینەی کارەکانی وەزارەتی کۆچ و کۆچبەرانە، چونکە هیچ بەهانەیەک بۆ مانەوە لەو کەمپانەدا نەماوە.
دەشڵێت، بەپێی دواین زانیاری رۆژانە مامەڵەی 100 خێزان تەواودەکرێت، تاوەکو ئارەزومەندانە بگەڕێنەوە شوێنی خۆیان.
