بەپێی راگەیەندراوێكی وەزارەتی دارایی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، نزیكەی 50 هەزار فەرمانبەر لە ڕێگای پڕۆژەی هەژماری من-ەوە مووچەی مانگی ئایاریان وەرگرت و بە خۆشحاڵییەوە رایدەگەیەنین لە ماوەی چەند ڕۆژی رابردوودا، نزیكەی 50 هەزار فەرمانبەری كەرتی گشتی لە پارێزگای هەولێر مووچەكانیان بەشێوەی دیجیتاڵی و لەڕێگای پڕۆژەی هەژماری من وەرگرت و ژمارەی سوودمەندان دوو هێندەی مانگی رابردوو بووە
هەر لە راگەیەندراوەكەدا هاتووە، تاكۆتایی ئەمساڵ و لەڕێگای پڕۆژەكەوە سەرجەم مووچەخۆران كە ژمارەیان دەگاتە نزیكەی یەك ملیۆن مووچەخۆر تۆماردەكرێن.
