بەهۆی وەرگەڕانی ئۆتۆمبێلێکی جۆری پیکاب لە لەسەر رێگای ناحیەی رزگاری – تیلەکۆ، کەسێک گیانیلەدەستدا و سێ کەسی دیکە برینداربوون.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، بەیانیی ئەمڕۆ لەسەر رێگای ناحیەی رزگاری – تیلەکۆ، نزیک گوندی ناوە ئۆتۆمبێلێکی جۆری پیکاب دێر کە بۆ گوندی گامەخەڵ رۆیشتووە، وەرگەڕا.
بەپێی راگەیەندراوەکە، بەهۆی رووداوەکەوە کەسێک گیانیلەدەستدا و سێ کەسی دیکە برینداربوون.
ئاماژە بەوەش دەکات، بریندارەکان بەمەبەستی وەرگرتنی چارسەر، گەیەندراونەتە نەخۆشخانەی فریاکەوتنی شەهید هەژار لە قەزای کەلار.
