قائیمقامیەتی سلێمانی دەستیگرت بەسەر بڕێکی زۆر چەرەسی ماوەبەسەرچوو و خراپبوودا، کە خاوەنەکەی بەروارەکەی نوێکردووەتەوە و بەنیازبووە ساغیبکاتەوە.
بەپێی راگەیەندراوی قائیمقامیەتی سلێمانی لەگەڕەکی مەلاداود دەست بەسەربڕێکی زۆر چەرەس- نۆکی برژاوی ئێرانیدا کە خراپبووە و ماوەکەی بەسەرچووە، بەڵام خاوەنەکەی بەروارەکەی گۆڕیوە.
ئاماژە بۆ ئەوە کراوە، زیاتر لە یەک تۆن و 350 کیلۆگرام چەرەسی بەسەرچوو و خراپبوو دەستیبەسەردا گیرا کە کارتۆنەکانیان گۆڕدرابوو و بەرواری نوێی بۆ دانرابوو، خاوەنەکەشی دەستگیرکراوە و رووبەڕووی رێکاری یاسایی دەکرێتەوە.
رایگەیاندووە، لەکاتی سەردانی لیژنەکە بۆ کۆگاکە دەست بەسەر (297) کارتۆنی بەتاڵی بەکارهاتوودا گیراوە کە چەرەسەکەی ناوی کراوەتەوە ناو کارتۆنی نوێوە و لەبازاڕدا فرۆشراوە.
