وتەبێژی کۆمسیۆنی هەڵبژاردنەکانی عێراق، رایگەیاند، “ئەمڕۆ دەرگای تۆمارکردنی لایەنە سیاسییەکان بۆ هەڵبژاردنی پەرلەمانی کوردستان دادەخرێت”.
جومانە غەلای، وتەبێژی کۆمسیۆنی هەڵبژاردنەکانی عێراق رایگەیاند، ئامادەکارییەکانی کۆمسیۆن بۆ بەڕێوەچوونی هەڵبژاردن بەردەوامن.
ئاماژەی بەوەشکرد، ئەمڕۆ دەرگای تۆمارکردنی لایەنە سیاسییەکان بۆ هەڵبژاردنی پەرلەمانی کوردستان دادەخرێت.
جومانە غەلای دەشڵێت، ژمارەی بەشداربووانی هەڵبژاردنی پەرلەمانی کوردستان دوای کۆکردنەوەی داتاکان و هەڵسەنگاندنیان دیاریدەکرێت.
تاوەکو ئێستا چەندین جار وادەی هەڵبژاردنی خولی شەشەمی پەرلەمانی کوردستان دیاریکراوە و ئەنجامدانی دواكەوتووە، دوایین جار کۆمسیۆنی هەڵبژاردنەکان رۆژی 5ی ئەیلولی ئەمساڵی وەک وادەی بەڕێوەچوونی پرۆسەکە پێشنیازکردووە و چاوەڕوانی سەرۆكایەتیی هەرێمی كوردستان دەكات بۆ یەكلاكردنەوەی.
