بە هۆكارێكی نادیار ئاگر لە گەراجی تایبەت بە دەستبەرداگرتنی ماتۆڕسكیل لە بەڕێوەبەرایەتیی هاتوچۆی هەولێر كەوتەوە و تیمەكانی بەرگریی شارستانیی هەولێر لە هەوڵی كۆنتڕۆڵكردنی ئاگرەكەدان.
پەیامنێری تۆڕی میدیایی ئێستا لە شاری هەولێر گواستییەوە، كەمێك پێش ئێستا لە گەراجی تایبەت بە دەستبەرداگرتنی ماتۆڕسكیل لە بەڕێوەبەرایەتیی هاتوچۆی هەولێر ئاگرێك كەوتەوە و تیمەكانی بەرگریی شارستانی لە شوێنی رووداوەكەن و لە هەوڵی كۆنترۆڵكردنی ئاگرەكەدان.
راشیگەیاند، تائێستا هۆكاری كەوتنەوەی ئاگرەكە و زەرەر و زیانەكانی نەزاندراون.
