بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان پێشوازی لە هەڤاڵ مەحمود سەنگاوی، تێكۆشەر و سەركردەی دیاری یەكێتی و كوردستان كرد.
لە دیدارەكەدا كە حامید حاجی غالی ئامادەبوو، رۆڵی هەڤاڵ مەحمود سەنگاوی لە بزووتنەوەی رزگاریخوازیی گەلی كورد و قۆناغە سەختەكانی كوردایەتیدا بەرزنرخێندرا و سەرۆك بافڵ جەلال تاڵەبانی وتی، “مێژووی هەڤاڵ مەحمود سەنگاوی پڕ لە شانازی و تێكۆشانە، ئێمە بە رێز و پێزانینەوە لەو مێژووە درەوشاوەیە دەڕوانین و ئەزموونی تێكۆشەرە دێرینەكانمان رێنیشاندەرمان دەبێت تاوەكو بەردەوامی بە خەبات بدەین و خزمەتی گەلەكەمان بكەین”.
لە بەرامبەردا هەڤاڵ مەحمود سەنگاوی دووپاتیكردەوە، وەك هەمیشە درێژەپێدەری رێبازی مام جەلال دەبێت و لە بەرامبەر هەر ئەرك و بەرپرسیارێتییەكدا بە رۆحێكی پێشمەرگانەوە لە خزمەت بەدیهێنانی بەرژەوەندییە باڵا و نەتەوەییەكاندا دەبێت”.
