وەزارەتی کۆچ و کۆچبەرانی عێراق بڵاویکردەوە، 787 ئاوارەی دیکە لە کەمپی ئاشتی لە پارێزگای سلێمانییەوە گەڕانەوە زێدی خۆیان لە پارێزگاکانی سەڵاحەدین و نەینەوا.
بەپێی راگەیەندراوێکی وەزارەتی کۆچ و کۆچبەرانی عێراق، لەگەڵ گەڕانەوەی هەر خێزانێک بۆ زێدی خۆیان بڕی چوار ملیۆن دینار و تەلەفیزۆن و تەباخ و بەفرگریان پێدەدرێت، جگە لە سەبەتەی خۆراکی.
هەر بەپێی راگەیەندراوەکە، لە ئێستا نزیکەی 370 خێزان لە کەمپی ئاشتی ماونەتەوە و دوای کۆتایی هاتنی تاقیکردنەوە گشتییەکانی قۆناغی 12 ئەوانیش دەگەڕێنەوە و کەمپەکە دادەخرێت.
