لە دیداری ئەنجومەنی پارێزگاکان کە دوێنێ پێنجشەممە دەستەی دەستپاکیی عێراق رێکیخستبوو جانتای مامۆستایەکی زانکۆ دیارنەما و ئەمەش دەنگدانەوەی زۆری بەدوای خۆیدا هێنا.
ئەحمەد مەیالی ئەکادیمیست و مامۆستای زانکۆ لە تۆڕی کۆمەڵایەتی ئێکس رایگەیاندووە، دوێنێ پێنجشەممە بەشداری لە دیداری ئەنجومەنی پارێزگاکان کردووە کە دەستەی دەستپاکیی عێراق رێکیخستبوو، بەڵام لەکاتی پشووەکەدا جانتاکەم لەلایەن یەکێک لە ئامادەبووانەوە لێدزرا.
سەرچاوەیەکی ئاگادار بە میدیا عێراقییەکانی راگەیاندووە، کەسێک بە هەڵە جانتاکەی ناوبراوی بردووە، رووداوەکە ئاسایی بووە و پەیوەندی بە دزیکردنەوە نەبوە.
لای خۆیەوە دەستەی دەستپاکی لە راگەیەندراوێکدا رایگەیاندووە، بەسە بازرگانیکردن بە ناوبانگی عێراقەوە.
