پزیشکێکی پسپۆڕی منداڵی بلووری رایدەگەیەنێت، رێژەی کێشە لە دروستبوونی منداڵ بەهۆی پیاوانەوە رووی لە بەرزبوونەوە کردووە بەراورد بە ژنان.
د. هەیفا تورکی پزیشکی راوێژکاریی ژنان و دواکەوتنی منداڵبوون و منداڵی بلووری بە رۆژنامەی شەرقولئەوسەتی راگەیاندووە، بەپێی ئامارە جیهانییەکان کێشەی دواکەوتنی منداڵبوون بەهۆی پیاوانەوە بۆ 50 -60% بەرزبووەتەوە لە کاتێکدا کێشەکە بەهۆی ژنانەوە زیاتر لە 40% یە.
ئاماژەی بەوەشکرد، کێشەکانی ژنان زیاتر بەهۆی قەڵەوی، تەمەنی سەروو 35 ساڵان، سترێس، جگەرەکێشان، تێکچوونی منداڵدانەوەن، بەڵام کێشەکانی پیاوان زیاتر کێشە لە پەیوەندی سێكسی و تۆو و جگەرەکێشان و نەخۆشی دەواڵی و وەرزشنەکردن و سترێس خۆیان دەبیننەوە.
