قائیمقامی قەرەداغ وردەکاریی رووداوی گیانیلەدەستدانی ئەو گەنجەی بۆ تۆڕی میدیایی ئێستا روونکردنەوە کە دوێنێ وابڵاوکرایەوە لە کاتی مەلەکردندا مار پێوەیدا و خنکا.
رەئوف کەمال، قائیمقامی قەرەداغ رایگەیاند، گەنجەکە کەناوی ئاسۆ حەسەن و خەڵکی گوندی ئەستێل بووە، چووەتە باخەکانیان و دواتر برا و کەسوکارەکەی تەلەفونیان بۆ کردووە، بەڵام وەڵامی نەبووە دواتر ئاگادارکردنەوەی لایەنە پەیوەندییدارەکان و چوونیان بۆ شوێنی رووداوەکە لە جۆگەیەکدا تەرمەکەی بە خنکاوی دۆزرایەوە.
روونیشیکردەوە، دوای گواستنەوەی تەرمەکە بۆ پزیشکی دادیی سلێمانی دەرکەوتووە گەنجەکە نەخنکاوە، بەڵکو بەهۆی پێوەدانی مار بە قاچییەوە، گیانیلەدەستداوە.
ئاماژەی بەوەشکرد، سەبارەت بەوەی مارەکە لەناو ئاوەکە پێوەیداوە یاخود لە قەراغ ئاوەکە، بەهۆی ئەوەی کەسی لەگەڵ نەبووە، نازاندرێت چۆن بووە.
