ئێوارەی ئەمڕۆ لەبەنداوی(خاسە)ی پارێزگای کەرکوک، هاوڵاتییەکی تەمەن36 ساڵان لە خنکان رزگارکرا.
موسا کازم، پەیامنێری تۆڕی میدیایی ئێستا لەشاری کەرکوک پێڕاگەیاندین، ئێوارەی ئەمڕۆ هەینی، مەفرەزەکانی بەڕێوەبەرایەتیی پۆلیسی فریاکەوتنی رووبارەوانی، هاوڵاتییەکیان لەخنکان رزگارکرد.
هاوڵاتییەکە لەدایکبووی ساڵی 1988ە، دانیشتووی ناحیەی زابە.
هەفتەی رابردوو دوای ئەوەی گەنجێکی تەمەن 16ساڵان لەبەنداوەکە خنکا، بەفەرمانی لیوا کاوە غەریب، فەرماندەی پۆلیسی کەرکوک، بریاردرا هەموو هەینییەک تا کۆتایی وەرزی هاوین، مەفرەزەکانی پۆلیسی فریاکەوتنی رووبارەوانی لەبەنداوەکە جێگیربکرێن.
