وتەبێژی حكومەتی هەرێم رایدەگەیەنێت، لە كۆبوونەوەی ئەمڕۆی ئەنجومەنی وەزیراندا بڕیاری پێكهێنانی لیژنەیەك لە ژمارەیەك لە وەزیرەكانی حكومەتی هەرێم تایبەت بە دۆخی ناوچە كوردستانییەكانی دەرەوەی ئیدارەی هەرێم درا.
پێشەوا هەورامانی وتەبێژی حكومەتی هەرێم رایگەیاند، لە كۆبوونەوەكەدا ئەنجومەنی وەزیراندا بڕیاریداوە لیژنەیەك لە ژمارەیەك لە وەزیرەكانی حكومەتی هەرێم تایبەت بە دۆخی ناوچە كوردستانییەكانی دەرەوەی ئیدارەی هەرێم پێكبهێنێت.
راشیگەیاند، ئەم لیژنەیە كارییان كۆبوونەوە دەبێت لەگەڵ لایەنە سیاسییەكانی هەرێمی كوردستان و عێراق بە گشتی و دەرەوە و بە چڕی كار لەسەر ئاسایكردنەوەی دۆخی ناوچە كوردستانییەكانی دەرەوەی ئیدارەی هەرێمی كوردستان دەكەن و بەجۆرێك مامەڵەكردن لەگەڵ دۆخی ئەم ناوچانە دەبێت بەپێی دەستووربێت نەك ئەوەی ئێستا لەو ناوچانە دەگوزەرێت.
