وەزارەتی کۆچ و کۆچبەرانی عێراق رایگەیاند، 190 خێزان کە بەم دواییە گەڕاونەتەوە شنگال بۆ هەرخێزانێک بڕی چوار ملیۆن دیناری پێ دەدرێت.
لە ڕاگەیەندراوێکدا کە وەزارەتی کۆچ و کۆچبەرانی عێراق بڵاویکردووەتەوە هاتووە، ”بەپێی رێنماییەکانی ئیڤان فایق جابرۆ، وەزیری کۆچ و کۆچبەران، هاوکاریی دارایی تایبەت کە بڕەکەی چوار ملیۆن دینارە، بەسەر 190 خێزاندا دابەشکرا کە بەم دواییە لە کەمپەکانەوە بۆ شنگالی زێدی خۆیان گەڕابوونەوە”.
دەشڵێت، ”وەزارەتەکەمان بەردەوام دەبێت لە دابینکردنی هاوکاریی دارایی و لە چەند رۆژی داهاتوودا هەموو ئەو خێزانانەی کە بەم دواییە گەڕاونەتەوە لەو بڕیارە سوودمەند دەبن”.
