وەزارەتی بازرگانیی عێراق داوا لە خاوەنی سەمونخانە و نانەواخانەکان دەکات، بۆ بەکارهێنانی بەرهەمی نیشتمانی و بەرهەمی ئاردی سفری خۆماڵی لە جێگەی ئاردی سفری هاوردەکراو.
موحسن محەمەد، بەڕێوەبەری گشتیی کۆمپانیایی بازرگانیی لە وەزارەتەکە رایگەیاند، داواکاریمان لە خاوەن سەمونخانە و نانەواخانەکان ئەوەیە پشتگیری بەرهەمی خۆماڵی بکەن و پێشیان دەڵێین بەرهەمەکە لە ئاستێکی زۆر باشدایە و زۆر لە ئاردی سفری هاوردەکراو باشترە.
ئاماژە بەوەکراوە، بەرهەمەکە لە دانەوێڵەی ناوخۆیی دروستکراوە، بەپێی ستانداردی عێراقی و پشکنینی جۆرێتی، دوورە لە ماددە کیمیاییەکان و زیادکراوەکان کە هەندێک جۆری ئاردی هاوردەکراو لەخۆدەگرن، ئەمە جگە لەوەی بە نرخی کەمتر دەخرێتە بازاڕەوە بەراورد بە ئاردی سفری هاوردەکراو.
